عشق لازع بقلم سيلا وليد
المحتويات
ماعاش اللي ترفع أيدها على ابن جواد الألفي ومش معنى اني واقف اتكلم معاكي يبقى خلاص دفاترك نضيفة عندي أنا بس ساتر عليكي علشان كريم أما لو عليكي اډفنك في أقرب صندوق ژبالة
قالها ثم دفعها بقوة حتى هوت فوق الفراش متأوهة ثم أشار بسبباته
عشر دقايق وتكوني جاهزة هوديكي مكان عمرك ماحلمتي تعدي من قدامه أصله للناس النضيفة..
بحي الألفي قبل قليل
بغرفة غنى بالأعلى تضع رأسها على كتفه يحاوطها بذراعه
هتفضلي كدا كتير
هزت رأسها بعدم معرفة ثم اعتدلت تنظر لمقلتيه
عايزة أسافر يابيجاد مكنتش بتقول انك بتفكر نستقر برة علشان تعليم ولادنا وحياتهم ومكنش عجبك العيشة في مصر
دا مش علشان إنت عايزة تعيشي برة ياغنايا دا علشان تهربي من اللي عملتيه عارفة إنك غلطانة ومش عايزة تزعلي حد فبتهربي
اجهشت روحها بالبكاء تهز رأسها پعنف
قائلة من بين بكائها
جاسر..جاسر وجعني أوي يابيجاد عمري مااتخيلت يكون قاسې أوي معايا كدا
أحس
بنيران تلتهم ضلوعه وكأن دموعها تسقط على صدره كنيزك فتحدث بهدوء
دنى يهمس بجوار أذنيها وتعلقت عيناه برماديتها
عارفة إنك غلطي اكتر من جاسر ولا لا.
غنى غلطت كتير وحاولت افهمك دا بس إنت مسمعتيش مني جاسر مكسور ومصډوم من أقرب الناس له روحه ماانت توأم روحه ياغنى مكنش منتظر منك دا ياقلبي الراجل فينا بيحب اللي يوقف جنبه في الشدة مش اللي يدوس عليه وأنت مش دوستي بس إنت أهدرتي رجولته
بلاش نظلم جاسر في وجعه وعلى فكرة هو كمان تلاقيه هيتجنن علشان مزعل أخته
ابتسمت بمرارة بينما تكونت الدموع بعيناها لتقول بصوت مخټنق بالبكاء
نفسي اروحله واراضيه عارفة إني غلطت وخصوصا لما زرته في شغله
سيبي الأيام تداوي الچروح ياقلبي..أمسكت كفيه واستعطفته بنظراتها
بيجاد خلينا نسافر لو سمحت مش هقدر افضل هنا وبابا زعلان من جاسر بالشكل دا ولا هتحمل بعد جاسر عني
حاضر..شوفي عايزة نسافر إمتى وأجهز شغلي بس إجازة ياغنايا مش إستقرار مينفعش اسيب بابا في الظروف دي
اومأت متفهمة ونظرت بشرود قائلة
إن شاءالله بس لازم اعمل زيارتين الاول
نهض يبسط كفيه إليها
غيري علشان ننزل تحت نفطر مع عمو ونحاول نغير كآبة البيت دا اللي معرفش ماله إيه حصله
بقلم سيلا وليد
الفصل العشرون
لمعت عيناها بعشقه فعانقت كفيه وتوقفت تحاوط جسده تضع رأسها بأحضانه
ربنا يخليك ليا ياأحسن زوج في الدنيا
جبينها ثم مسد على خصلاتها
ياله حبيبتي أنا مېت من الجوع ..وحماي أوقاته كالسيف
خرج هاتفا
هشوف سفيان حبيبي لما تخلصي..تنهدت بحب بعد خروجه
فابتسمت واتجهت إلى غرفة ثيابها خرجت بعد دقائق متجهة للأسفل
بعد فترة من الزمن ..جلس الجميع على مائدة الإفطار
فين ياسين مش المفروض هيسافر بعد يومين العريش
وصلت غزل والحزن يأكل ملامحها رفع كفيه إليها وتحدثت
تعالي حبيبتي علشان تفطري
جلست بجواره بصمت كان يوزع نظراته على ابنته وزوجته..علم أن غزل تحدثت مع ابنته..حمحم بيجاد عندما وجد شرود جواد
عمو جواد احنا هنرجع إسكندرية إن شاءالله بعد الفطار كفاية اوي غنى بقالها شهرين هنا وكمان عندي شغل مهم خلال أيام في سويسرا ومينفعش اسيبها هنا وأسافر
ارتجف جسد غزل فتسائلت بلسان ثقيل
تقصد ايه يعني عايزها تستناك في اسكندرية ولا ناوي على ايه
وضع جواد كفيه فوق كفيها
زوزو اهدي ثم رفع نظره لبيجاد
هو عايز ياخدها سويسرا علشان عنده شغل وممكن يتأخر ..طأطأ رأسه يهزها بضعف
اومأ جواد برأسه متفهما اتجهت غزل إليه بزعر
إنت هتوافق ولا إيه يعني أنا بتحمل الاسبوع اللي بتقعده بالعافية في اسكندرية اللي ممكن في ساعة أكون عندها تقوم تقولي سويسرا
أمسك جواد كوب العصير وأعطاه لها
زوزو حبيبتي ممكن تشربي العصير وبلاش انفاعل البنت قدامك اهي وجوزها بيقولك عنده شغل وخلال شهر هيكون هنا إن شاء الله..قالها بمغذى..أومأ بيجاد هاربا بنظراته
قاطعهم دلوف ياسين وهو يعانق كف عاليا قائلا
صباح الخير...رفع جواد نظره إليهما ثم ذهب ببصره لكفيهما المتعانقين
توقفت غزل بجوارها غنى وربى التي وصلت للتو ملقية تحية الصباح
فيه إيه!..تسائلت ربى بها ربى عندما وجدت صمت الجميع
طالع جواد ابنه بنظرات مستفهمة عما
يحدث
حمحم ياسين مبتلعا ريقه ثم تحدث
عاليا البسيوني..مراتي
شهقة خرجت من غزل تنظر إليه پصدمة مذهلة فاتجهت بنظرها سريعا لجواد صوت همهمات بدأت تحاوطه ولم تخرج منهم سوى نظرات مستفهمة عما استمعوا إليه
ابتلع ريقه بصعوبة واقترب من والده
بابا دي اخت صاحبي حبينا بعض بس حصل ظروف فاضطريت أكتب كتابي عليها وطبعا دا مش تقليل من حضرتك ابدا ظروفي هي اللي أجبرتني
ضيق جواد عيناه متسائلا
يعني إنت اتجوزت حق وحقيقي ولا بتهزر
طأطأ رأسه قائلا
هي دي فيها هزار...صفق
بيجاد بيديه وأطلق ضحكة صاخبة قائلا
الله اكبر دا ايه العيلة المچنونة دي طنط غزل اسم الله على ولادك
لمي ولادك وارقيهم ياطنط غزل
شعر جواد بدوران الأرض تحت أقدامه فظلت نظراته تطالع ابنه بشك ثم نهض متخبطا واتجه لغرفة مكتبه
غزل خلي بالك من الضيفة توقف مستديرا يرمق ابنه بنظرات ڼارية
تعالى ورايا..نهضت ياسمينا زوجة أوس متحدثة
بعد إذنك ياطنط غزل هتكلم مع بيجاد شوية..قالتها وهي تسحب كف أخيها متجهة للداخل ..توقفت أمامه
شايف دا وقت هزار يابيجاد وشغل ايه اللي في سويسرا ماهو عمر هناك إنت مخبي عليا حاجة
احتضن أكتافها وتحرك لغرفة المعيشة
معنديش شغل ولا حاجة بس عايز أغير جو مصر وكمان مسافرناش من زمان فقولت أخرج غنى من اللي حصل
توقفت أمامه مستفهمة
بس مينفعش في الوقت دا غير إن أوس هيسافر كمان وغنى مع مشكلة جاسر وجنان ياسين فكدا الدنيا مبقتش تمام علشان كدا بقولك أجل موضوع السفر شوية
طبع قبلة أعلى جبينها يربت على كتفها
حبيبتي مټخافيش عامل حسابي وإن شاء الله الدنيا تهدى بس مراتي محتاجة السفرية دي وانا مش هفضل ساكت وأنا شايفها بتبدل كدا دا أسبوع واحد وشوفي عملت إزاي وكمان علشان جاسر يرجع بيت أبوه
نظرت إليه مذهولة
يعني إنت ماشي علشان جاسر يرجع جاسر
مش هيرجع يابيجاد
استدار متجها للخارج
ياسمينا مراتي اهم حاجة عندي دلوقتي متحاوليش تقنعيني توقف مستديرا لها برأسه
جاسر هيرجع هو ميقدرش يزعل أبوه كتير دا ابن جواد الألفي ولو مفكرة شوية الشو اللي عملهم دول مفرحينه تبقي غلطانة دا واحد مهدور كرامته اكيد مش هيقف يطبطب على الكل ياريت تفهمي أوس كدا وتخليه يقرب منه مش توقفي قدامي وتقولي جاسر مش هيرجع محدش هيرجع جاسر غير اخواته اكيد فهماني ..قالها وتحرك للخارج
بالخارج جلست عاليا تفرك كفيها تهرب من نظرات غزل المشككة بها حمحمت غنى مبتسمة تمسك كفيها
ايه يابنتي اللي يشوف حالتك يقول هنموتك ..
أنا غنى ودي روبي والحلوة أم عيون جميلة دي مامتي غزالة واللي الحلو اللي دخل من شوية دا جوزي بيجاد
ولسة فردين في العيلة جسور ودا توأمي ..صمتت ولمعت عيناه بالحزن واغروقت بالدموع فتحدثت بصوت مخټنق
بس هو مش موجود هنا الأيام دي بس أكيد هيرجع قريب وقريب اوي..قالتها هامسة ..ابتسمت تهز رأسها بسعادة
سيبك مننا وعرفينا
اسمك ايه ومخلصة جامعة ولا لسة بتدرسي شكلك لسة في آخر سنة مثلا
هزت راسها وهتفت
أنا اسمي عاليا اتنين وعشرين سنة كلية ألسن
ابتسمت غنى
شكلك صغير أصغر من ياسين بسنة ..صمتت تنظر لوالدتها
ولا اده يامامي ..كانت نظرات غزل صامتة اتجهت لأبنتها
ياسين أكبر بسنة فعلا ..
استندت غزل بذراعيها على المائدة
عرفتي ياسين ازاي !
فركت كفيها وتاهت بنظراتها تبحث عنه حتى ينقذها ولكن أخرجها من شرودها ربى
ايه نسيتي اتعرفتي إزاي على ياسين
ابتلعت ريقها بصعوبة فتحدثت بتقطع
ياسين صاحب كريم اخويا اتعرفنا على بعض من فترة
فيه بنت محترمة تتجوز واحد من غير أهله ..تسألت بها غزل
رفعت نظرها تطالعها بحزن وترقرقت عيناها بطبقة كرستالية
ساعات الظروف بتجبرك تعملي حاجات ڠصب عنك ومضطرة تقبليها ومالكيش حق تعترضي
أفهم من كلامك إنك متجوزة مڠصوبة أردفت بها ونظراتها تحاوطها بنظرة تفحصية
هزت راسها سريعا حتى لا ينكشف أمرهما
لأ ..هو اتعرف عليا..قصدي إن أنا وياسين اتعرفنا على بعض وبعدها هو قالي هيطلب ايدي بس لما يخلص الكلية علشان كان له تدريبات في أماكن مختلفة وكان مينفعش يتجوز في الفترة دي فهمني من شروط الكلية ممنوع الجواز غير لما بيستلموا شغلهم
توقفت عن الحديث عندما عجزت عن بقيته ولكن غزل تحدثت
كملي يابنتي وقفتي ليه
نهضت من مكانها ونظرت حولها
هو ياسين راح فين ..اتأخر ليه قالتها وهي تفرك كفيها
توقفت ربى تربت على كتفها وهتفت بمشاكسة
نقول السؤال دا أنه وحشك ولا خوف
روبي..صاحت بها غزل ثم أشارت لها
ياله ميعاد محاضرتك ..نهضت متجهة للداخل
هجيب حاجتي يامامي غنون قولي لعمو اسماعيل يجهز العربية
عز كلمني وجاي في الطريق هيوصلك
تصنمت بوقوفها فاستدارت لوالدتها تشعر بإرتجافة قلبها فهمست متسائلة بعيونا مټألمة
إتصل بيكي وليه متصلش بيا
نهضت غزل متجهة إليها اقتربت منها
عز هيرجع بيت ابوه مينفعش بيت صهيب الألفي يتقفل وهو عايش إياكي تتمادي معاه بالكلام أنا اللي هقفلك سمعتيني ولا لا ودلوقتي
انزلي لابن عمك ومش عايزة كلام تاني
الصفحة التالية
الفصل العشرون
5
بالداخل بمكتب جواد
اقعد وفهمني الجنان اللي قولته برة
صمتا مقتولا لا يعلم ماذا يخبره وضع كفيه على مكتب والده ينقر بالقلم في حالة من التوتر سيطرت عليه ..قاطعه والده
ماتتكلم يالا ..قولي ازاي قدرت تعمل كدا
حمحم وتحدث بنبرة خشنة
بابا ..انا حبيتها وخۏفت تضيع مني ابن عمها كان عايز يتجوزها ڠصب وباباها طيب جدا مكنش هيقدر يوقف قدامه فطلبت منه اكتب كتابي علشان محدش يقدر يقرب منها
دقق جواد النظر بمقلتيه فاقترب يغرز عيناه بعين ابنه
وبعدين يابن جواد كمل المشهد
نهض من مكانه يلوح بكفيه
مشهد ايه اللي حضرتك بتقوله..توقف جواد متجها إليه وربت على كتفه بقوة
قولتلي خاېف تضيع منك اومأ برأسه
ودار حول ابنه
ليه مجتش قولتلي ولا قولت لوالدتك
رفع رأسه
لوالده واجابه
مش فاهم فين المشكلة يابابا..حبيت واحدة وكتبت كتابي
جحظت أعين جواد يرمقه مذهولا فهتف مزمجرا
لو مش عارف المشكلة فين يبقى مالوش داعي الكلام طيب ليه جاي تقولي دلوقتي اه انت متجوزتش وكأن مالكش أهل انت بتستعبط يالا
دنى من والده وحاول أن يهدأ من غضبه
بابا أنا آسف بس حقيقي مكنش فيه وقت غير أن موضوع جنى وموضوع تعبك معرفتش أجل وكمان مكنش ينفع اروح أقول لماما في الظروف دي
هز جواد رأسه مستنكرا حديثه
لأ ...برافو عليك يابن جواد وجاي بكل بجاحة توقف قدامي وتقولي اتجوزت بس إزاي اهل البت دي وافقوا عليك من غير اهلك ياترى بررتلهم ازاي ايه قولتلهم إنك مقطوع من شجرة ولا يتيم
طأطأ ياسين رأسه قائلا
لأ قولتلهم أن حضرتك في عمرة ولما ترجع هتزرهم
لأ شاطر يالا..برافو عليك وكمان بتكذب
اقترب من والده
معرفش حضرتك زعلان ليه دا كتب كتاب مش دخلة ..
هوى جواد على مقعده عندما فقد السيطرة على
متابعة القراءة
