ابن ليل بقلم الكاتبة اميرة اسامة

كتير اوي عيزاكم تطمنوا حقكم محفوظ لحد ما كل واحده فيكم تخلص دراستها دارين وقت ما تخلص حابه تفتح مكتب هندسي خاص بيها هعملها ده انتوا الاتنين عايزين تبداوا مشروعكم الخاص بردوا موجود
بٱختصار اي حاجه هتخطر في بالكم اطلبوها بس وهتتنفذ فورا
قربوا منها البنات وضموها بحب
دارين كفايه وجودك في حياتنا يا مامي دي اعظم هديه في الدنيا 
دانه انا بحبك اوي يا مامي
دره وانا بحبكم اكتر يا قلب مامي 
ديما احنا مش عايزين حاجه غير انك تكوني مبسوطه
دره وانا مبسوطه فوق ما تتخيلي ويهمني تكونوا مبسوطين يا قلبي 
خليني بقي نروح لاهم اربعه موجودين في المكان كله 

بصت لنبيله وزكريا ورفاعي ونجوي 
رفاعي احنا مش عايزين يا بنتي من الدنيا غير اننا نشوفم انتي والكل مبسوطين انتوا احلي هديه لينا
دره عارفه يا بابا بس كمان كلنا بنحبكم وكل واحد فينا بيعبر عن حبه ليكم بطريقته وبعدين انا بحبكم اوي ومهما اعمل معاكم مش هنوفيكم حقكم ابدا
زكريا واحنا بنحبك يا دره والاهم من الهديه انك تكوني سعيده 
دره وانا سعيده يا حبيبي وبحبكم وبعدين مش تستني تعرف الهديه الاول
زكريا بحب قولي يا ستي
دره الرسول صلي الله عليه وسلم قال ايه
الجميع عليه الصلاه والسلام
دره قال تهادوا تحابوا وبيتهيألي انتوا مش محتاجين هديه عشان تحبوني ولا انا محتاجه اقدملكم هديه عشان افوز بحبكم
نجوي اكيد يا بنتي
دره بس كمان الهديه في حد ذاتها بتفرح حتي لو الشخص اللي هنقدمله الهديه ده مش محتاج وقادر يجيب لنفسه نفس الهديه
زكريا الهديه يا بنتي بتفرق من الشخص اللي بيقدمها حتي لو احنا قادرين نجيبها لروحنا
دره بالظبط وعشان كده انا فكرت كتير في الهديه وملاقتش حاجه اجمل من الهديه دي وعارفه انها هتعجبكم وزي ما بدأت كلامي في الاول بكلام الرسول
الجميع صلي الله عليه وسلم
دره انا حبيت نمشي وراء كلام الرسول صلي الله عليه وسلم وزي ما قال تهادوا تحابوا ملقتش احلي ولا اعظم من ان الهديه تكون عند الرسول نفسه وتروحوا مع بعض صحبه تزورا بيته 
رفاعي اللهم صلي عليك يا نبي
نجوي ياحبيبتي يا بنتي دي احلي هديه في الدنيا
نجوي بدموع قلبك كان حاسس بقلبي يادره 
زكريا هديه مقبوله ولا يمكن اردها ابدا يا بنت قلبي
قربت منهم دره وضمتهم بحب واحد واحد الكل كان فرحلن نبيله ونجوي دموعهم كانت نازله من الفرحه 
دره بحب بطلوا عياط بقي حد يبقي رايح عمره ويعيط كده 
نجوي دي دموع فرحه يا بنتي
دره بس انتوا رحتوا كتير قبل كده
نبيله و لو ده لو هنروح كل يوم فرحتها بتفضل زيها زي اول مره
رفاعي ربنا يبارك فيكي يابنتي ويحفظك 
دره ويخليكم ليا يا حبيبي
انا كده خلصت والحقيقه ناقص كرم ويمكن هو الوحيد اللي مفيش هديه تنفع معاه لان لو حاولت اوصل لاي حاجه ممكن تفرحه او تعوضه عن اي حاجه مش حلوه حصلت مش هلاقي بردوا بس 
كرم بس دي
بقي سبيها عليا انا بيتهيألي مفيش حد بيختار هديته بس انا هنختارها ولو وافقتي عليها يبقي هنعتبر روحي
وسط كل الموجودين دول فوزت بأحلي واهم هديه
ابتسمت دره ليه بحب هديه ايه
كرم بتنهيده كلها تعب انتي يا دره بيتهيألي كفايه بقي لحد كده انا طلبت ايدك من ابوكي وهو وافق وأجلنا الجواز لحد ما الشباب يخلصوا امتحانات واهم خلصوا جه دوري بقي اخد حقي فيكي ولا ايه
ابتسمت دره بإحراج وصدمه وبعدين بصت للكل ورجعت بصت لكرم تاني واټصدمت لما لاقته فاتح علبه قدامها فيها خاتم ألماظ
كرم مش هنقولك بقي تقبلي تتجوزيني والكلام ده هنقولك مممن نلبسهولك ونقعد عشان نتفق علي كل حاجه حالا واه صحيح عشان نكمل صدمتك دي 
كل اللب واقفين هنا بما فيهم ابوكي وبلبله حتي بناتك عارفين اني هنعمل كده وعارفين اني مش هننزل من هنا غير واحنا متفقين علي معاد جوازنا 
سكت ثواني وبعدين ابتسملها بعشق نلبسك بقي الخاتم ونحقق حلم اللحظه اللي مستنيها من عشرين سنه 
ابتسمت دره بتأثر وبصت لابوها واخوها ابتسموا وهزوا راسهم
بصت لبناتها بدموع لمحت السعاده والابتسامه علي وشوشهم
دانه يلااااااا بسرعه
ديما البسي يا مامي
رجعت بصتله بهدوء وابتسمت وهزت راسها
أبتسم كرم بسعاده متتوصفش ومد ايده مسك كفها لبسها الخاتم بهدوء وبعد مالبسها كل اللي واقف كان بيزغرط و البنات بتتنطط والشباب بيصفروا
مسك كرم راسها بحبومكانش عنده اي كلام يقوله 
دارين طب ايه مش هتلبس دبله يا كرم
كرم بحب بص في عين دره ورفع كفه بهدوء لابسها من عشرين سنه ومش عايز غيرها
ابتسمت دره وهي دموعها نازله
بعد ما الكل بارك ليهم قعدوا من تاني والدنيا هديت شويه 
كرم طلباتك يابا
زكريا بأبتسامه وفرحه مليش طلبات يا كرم وانت عارف كفايه انك تكون جوز بنتي دي عندي بالدنيا 
كرم بس ده ميمنعش ان دره ليها حقوق
زكريا حقها خدته من قلبك يا كرم وده من زمان اوي بيتهيألي 
مفيش بعد كده حقوق 
رفاعي لا ليها زي بناتنا قايمه ومؤخر ومهر وليها كل حاجه 
زكريا صدقني يا زكريا اي اب في الدنيا كل اللي بيحلم بيه لما يمون عنده بنات زوج صالح وعيله تكون عيلتها التانيه وانتوا من زمان مش مجرد عيله تانيه انتوا عيله اولي لينا كلنا قبل ما يكون ليها هي ولو علي كرم مفيش اب في الدنيا يتمني راجل بجد لبنته احسن من كرم 
انا مش هنكتب قايمه ولا هنكتب مؤخر ولا عايز مهر انا مش عايز غير كرم لبنتي وبس 
كرم بحب وكلامك ده لوحده كفايه عندي بس بردوا متمنعيش نعمل حاجه هي حلم حياتي انا استنيت عشرين سنه عشان اللحظه دي فا متحرمنيش منها مهر دره ومؤخرها وكل حقوقها انا ملزم بيه كل اللي عايزه بس مباركتك للجواز وتحددلي أقرب وقت 
زكريا الوقت ده بتاعكم انتوا انتوا اللي اختاروا وقتكم المناسب 
نبيله ايوه بس مش قريب اوي يعني لسه بنتي ليها جهاز وشوار وحجات كتير ولا انت عايز تكروتنا ياولا
كرم بأبتسامه يا شيخه حرام عليكي انا صابر عشرين سنه وبعدين يا ستي متقلقيش دره مينفعش تتكروت والاهم انك تريحي روحك من حاجة دره كلها انتوا بس حددوا المعاد وانا عايز دره بطولها ومن غير شنطه هدومها 
زكريا بنبره مكسوره ومهزوزه بالدموع ابتسم بهدوء لاااااااااا
بطولها دي فيها كلام تاني يا كرم بنتي من شويه قالت جمله وجعت قلبي لما طلبت من مها ودعاء يساعدوها في شوار سونه وسماح
عشان هي فعلا متعرفش حاجه عن العادات دي وزمان لما اتجوزت انا اتحرمت من الحاجه اللي بتفرح اي اب انه يشتري جهاز بنته ويجهزها زي اي عروسه عايز تحرمني يا كرم من اللحظه اللي انا كمان استنتها زيك عشرين سنه
نزلت دموع دره بۏجع وبصت للارض
أبتسم كرم ولمعه من الدموع ظهرت علي عينه كلام زكريا وجعه وأثر فيه
كرم معاش ولا كان اللي يحرمك من اي لحظه حلوه ممكن تعيشها مع دره واعتبرني يابا مقولناش حاجه دره عندك امها تاخدها تجهزها من كله وتجيبلها كل الحلو اللي في الدنيا واللي انت عايزه انا هنعمله كده كده في شقتين شقه مع ابويا في البيت اللي قاعد انا فيها وشقه تانيه بيتهيالي محدش كان يعرف عنها حاجه غير بكر لحد امبارح الشقه دي انا هنجهزها زي ما انا عايز عشان لو حبينا نروح
فيها اي وقت والشقه اللي في بيت ابويا من بكره هنفضيها
و هنجيب صنايعيه تبدأ شغل فيها زي ما دره تطلب هيتنفذ قولت ايه
زكريا موافق طبعا بصلها بحب وۏجع دي دره الجمال يعني الحلو كله يتحط تحت رجله
فضلت دموعها تنزل مش قادره تتخطي الۏجع والكسره اللي كانت هي سبب فيهم وانها تحرمه من حقه فيها كأب 
كرم يبقي اتفقنا انا عن نفسي شهر واحد يكفيني نخلص فيهم الشقتين ونجهز فيهم كل حاجه ويمكن اقل 
بصتله دره پصدمه شهر انت بتهرج
كرم بضحك خليكي انتي في عياطك ده متدخليش
زكريا والله لو شهر كفايه يبقي يلا شد الهمه يا بطل واجهز
ديما بأبتسامه وراها حاجه طيب هو انا ممكن أسال سؤال مهم وضروري جدا
ضحكت دارين ودانه وبصوا علي دره وبعدين بصوا للسقف
دره پغضب بسيط مسحت دموعها لا مش ممكن وفري سؤالك لروح
زكريا في ايه يا بنتي ما تسيبي البت تسأل
دره والنبي بس يا بابا انت شكلك هتدلعهم وهما ساقوا فيها
كرم قولي يا ديما
دره هو ايه اللي قولي يا ديما طب اياك تنطقي
فضلت ديما تضحك ابتسم كرم وضحك علي ضحكها وبص لدره
كرم طيب نفهم هي بتضحك علي ايه
دره بعدين هنقولك اسكت بقي والنبي 
كرم لا هنعرف الوقت قولي يا ديما
بصتلها دره وهي بتبرقلها
ديما بضحك يعني هو انا كنت عايزه اعرف هو انتوا مش هتعملوا فرح 
ضحك كرم وغمز لديما واول ما دره بصتله بص بعيد ورفع حاجبه 
رفاعي ياسلام اجدعها فرح يمسع اسكندريه تما بس هما يقولوا اه 
زكريا لو عليا نفسي نقعد سبع ايام بلياليهم نفرح
دره لا نهدي كده هو ايه فرح يسمع إسكندريه تما وايه اللي سبع ايام بلياليهم نصلي عالنبي كده ومنسمعش كلام العيال هااا دول متربوش وانا هنربيهم
ضحكوا كلهم علي دره وفضل كرم يضحك بصمت 
نبيله ليه يا اختي إن شاء الله انتي مكنتيش عايزه تعملي فرح ولا ايه انا عايزه اشوفك عروسه وبعدين العيال عايزين فرح صح يا عيال 
التلاته في نفس واحد ايوه صح
دره هو ايه فريق الكورال ده وانتي يا بلبله اهدي علي روحك شويه هنبقي نلبسلك فستان في البيت
رفاعي يابنتي وفيها ايه عايزين نفرح بيكم
نجوي وانا نفسي نشوف كرم عريس
عبدالله ياسلام وانا واقف كده وبنقول انا اخو العروسه 
مها احيه وننزل نجيب فساتين ونحضر فرحكم اخيرا
دعاء واهو بقي عندنا بدل الجوازه تلاته
سونه اه والله دي هتبقي احلي اجازه وهتبقي احلي عروسه يابت
حسن بضحك باااس يبقي نعمل فرحنا سوا عشان ناكل من كيرو الجو
دره كانت باصه لكل واحد فيهم كل واحد سارح بخياله وبيحلم
دره بااااااااس ايه هنفوق امته من احلام اليقظه دي وانت يا كرم شيفاك باصص وبتضحك وسعيد ومقولتش حاجه خير ان شاء الله لا تكون مبسوط
كرم بضحك حب يضايقها ومنكونش مبسوط ليه انا والله متجوزتش قبل كده ونفسي نلبس بدله
دره نفسك في بدله يعني ده اللي فارق معاك طيب ياسيدي البس بدله واتبسط محدش منعك
ديما يعني موافقه علي الفرح
دره انتي اسكتي خاااالص والله هنضربك
كرم مالكيش دعوه بيها هي تقول اللي هي عيزاه وتعمل اللي يعجبها
دره يعني انت موافق
كرم والله لو البنات والكل عايز كده يبقي رأي الاغلبيه
دره لا هو في حاجه غالبا مرشوسه في الجو مخليه عقلكم راح في ذمه الله وانا واحده صحتي علي قدي مش حمل المناهده
كلهم فصلوا من الضحك عليها 
نبيله وانتي ايه مشكلتك بس يا بنتي هو في بنت في الدنيا متحبش يتعملها فرح
دره اديكي قولتي يا ست الكل بنت يعني من سن بناتي من سن سماح لكن انا ازاي بس دول بناتي اطول مني عيزاني نلبس فستان ونتزف يا نبيله وبناتي هيبقوا يشيلوا ديل الفستان
دارين ياريت والنبي يا مامي
دره انتي شمتيني يا عاقله اللي مرشوش في الجو 
زكريا افرحي يابنتي
دره انا فرحانه والله يا حبيبي بس مش بالفستان والفرح انا مش صغيره علي فكره
مها احيه مين دي اللي مش صغيره يابت انتي