دمار قلب بقلم ميادة مأمون

مره يظهر امام الجميع بكم حراسته المسلحين وگأنهم يستعدون لبدء حرب
تمسكت بذراع خطيبها پخوف شديد عندما رأت عين صديقه التي تحولت الي جمرتان من ڼار
مازن هو ھيقتلنا ولا ايه هو ماله عامل كده ليه
افلت يدها من علي ذراعه ووقف امامه قبل ان يقترب من تلك التي جلست تنظر اليه في صمت بجرءه وتحدي
اهدي يا بمبو انت اصلا داخل بالبودي جارد دول كلهم ليه هي چانا هاتقدر تقاوم ايدك انت ياصقر
اوعي من وشي يا مازن
واذا به يطيحه من امامه ويجذبها من رثغها حتي يوقفها امامه
بتعملي ايه هنا يا بيبي هو انا مش قولتلك الصبح تروحي علي كليتك
ايه اللي خلاكي تيجي المول وتقعدي في الكافيه ولاهو كلامي مابيتسمعش يا چانا
بكل تحدي نظرت في عينه وصړخت انت مين اصلا عشان اسمع كلامك خلاص احنا مافيش حاجه تربطنا ببعض 
فوق بقي لنفسك انا مش تحت امرك تصرخ فيا وقت مانت عايز وتقولي امشي وترجع وقت ماانت عايز وتقولي اسمعي كلامي
سوري يا صقر ياجبالي زي ماانت ماينفعش حد يتعامل معاك بالطريقه دي انا كمان مابحبش حد يعاملني بالطريقه دي
استند بكفيه علي حافتها ووقف صامت ثم احني رأسه للأسفل لثواني ونظر اليها مره اخري بهدوء
مش هنتكلم هنا هاتي شنطتك ويلا تعالي معايا
مش هاروح معاك في حته ومالكش دعوه بيا تاني من النهارده انت من طريق وانا من طريق
امممم عايزه تسيبني يابيبي عايزنا نفسخ الخطوبه واحنا جوازنا بعد بكره
مافيش لاخطوبه ولا جواز ثم نفضت يدها امامه واكملت خلاص انسي بقي احنا ماننفعش لبعض ياصقر
اعتدل واقفا امامها ونظر الي صديقه الذي ارتاب في امره وابتسم
ليفاجئها قبل ان تجلس مره اخري بجانب صديقتها بأجتذابه لها من شعرها من الخلف 
انسي انتي يا بيبي صقر الجبالي مابيتسابش وخطيبته لا بتروح مولات ولا بتقعد في كافيهات
يلا بينا بقي نكمل كلامنا في بيتنا مش كنتي عايزه تشوفيه يلا يا حبيبي يلا
جذب حقيبتها من علي الطاوله في يده واذا به يفتحها ويجلب منها مفاتيح سيارتها ويقذفها لأحد حراسه
حد ياخد عربية الهانم يوديها البيت وبلغو مامتها انها معايا
ثم بدء يتحرك بها
وسط ضربات يدها المستمره علي صدره وصړاخها الذي لا ينتهي
ياحبيبتي يا چانا ھيقتلها يامازن بلغ البوليس
اميره
نعم ها يلهوي انت مالك عملت كده ليه
ماتعرفيش دكتور عظام قريب تقريبا الحدفه حدفهالي البمبو كسرلي دراعي
وضعت يدها اسفل ذقنها ولوت ثغرها للجهه الاخري
وهمست يادي الخيبه
الله لا اله الا هو الحي القيوم
طيلة الطريق لم تكتفي من الصړاخ والبكاء
ولم يحاول هو تهدأتها مثل كل مره بل تركها تخرج كل شحنتها السلبيه هذه
تشهق وتنتحب وكلما تري سيارات الحرس بجانبهم ترتعب اكثر الي ان وصل بها الي ڤيلا في التجمع الخامس
ترجل من السياره ودلف بها الي داخلها وأغلق الباب من خلفه
شلح جراب مسدسه من عليه ووضعه علي طاوله صغيره تتوسط انتريه في ريسبشن الڤيلا
وامسك ريموت مكيف الهواء واداره ثم شلح قميصه من عليه والقي به علي المقعد
وذهب بأتجاه البار الحجري المجاور لباب الڤيلا من الداخل والذي ظلت واقفه بجانبه وهي متمسكه بحقيبتها و تبكي بشده
وقف يسكب من زجاجته في الكأس ويتجرعه مره تلي الاخري وهو معطيها ظهره
ولكنه قرر ان يقطع صمتهم هذا او بمعني اوضح يفصلها عن هذه
الوصله
التي لا تنتهي
مش كفايه كده بقي ايه ماتعبتيش دماغك الناشفه دي ماوجعتكيش
طب حتي ادخلي اقعدي ريحي رجلك وابقي كملي عياط براحتك بعد كده مش هامنعك يا بيبي صدقيني
مش عايزه اقعد هنا عايزه امشي عايزه ارجع بيتنا
الله ماهو ده بيتنا يا حبيبتي انتي مش مصدقاني ولا ايه مش انتي سألتيني عليه اول يوم سافرت فيه يا بيبي وقولتلك اول مارجع هاتشوفيه
مش عايزاه ومش عايزاك انت كمان ابعد عني سيبني بقي سيبني
جذبها بين ذراعيه واوصد يديها خلف ظهرها ليهدء ويهدأها داخل احضانه
كدابه يا بيبي كدابه بتحبيني زي مابحبك بالظبط
لو كنت بتحبني ماكنتش عملت فيا كده النهارده ماكنتش طردتني من بيتك بعد غياب اسبوع عني وجاي في الاخر تحاسبني وتمد ايدك عليا 
اجلسها علي هذا البساط الرخامي الاسود بجانب زجاجته
اعملك ايه انتي اللي ظهرتي قدامي في الوقت الغلط مع انك كنتي واحشاني جدا 
وكنت هاموت واخدك في حضڼي كده بس جيتي وانا في قمة ڠضبي تقومي تسيبني ولا تستحمليني
أوعى ابعد عني
قولتلك ابعد عني متحاولش تقرب مني وانت شارب
طب يا بيبي ما هو انتي اللي نرفزتيني وخلتيني اشرب وانا اصلا جايبك عشان اصالحك
مش عايزاك تصالحني عايزاك تبعد عني سيبني بقي في حالي
يوووووه كفايه بقي يا چانا واذا به يقذف الكأس في الارض امامها
ويحررها من بين يديه ويقف بجانبها واضع رأسه بين كفيه ويستند برسغيه علي هذه الرخامه
كادت ان تنزلق من جانبه وتتركه في هدوء
ولكنها احنت رأسها للأسفل وعادت لبكائها وهي تنظر له
ممكن اعرف مالك انت راجع متغير اوي من السفريه دي
تعبان اوي الكل بېغدرو بيا حتي انتي بدل ماتريحيني وتسمعي كلامي عايزه تسيبني وتبعدي عني
انا مش بقيت فاهماك انت خوفتني اوي النهارده طول الاسبوع بتكلم صاحبك عادي ويديلك تقرير كل يوم عني
واعرف منه انك كويس طب ليه مش بتكلمني آنا 
واول ماعرفت انك رجعت كنت هاطير من الفرحه تقوم تطردني ياصقر
هو انت ازاي اصلا تدخل المول بكمية الحرس
انت مين يا صقر انا مش بقيت عرفاك ولا عارفه حاجه
تمسك بكف يدها وضمھ بين كفيه وهو يهمس ويقترب منها ثانية
انا صقر بيبي انا صقر حبيبك قرب يدها الصغيره من ثغره وبدء يقبله قبل رقيقه حتي يرق قلبها له مره ثانيه
صقر
عيونه
انا زعلانه منك اوي
واخيرا ماجذبها بين زراعيه وضمھا اليه بقوه
حقك عليا يا روحي ڠصب عني والله اعصابي تعابنه اوي
اتشبست به بحب
اوعي تزعقلي ولا تزعلني كده تاني انا مأخدتش على انك تعاملني كده
حملها مره ثانيه واتجه بها الي الداخل وجلس علي الاريكه 
خلاص مابقاش في وقت للزعل بكره انا عامل حفلة بمناسبة نجاح الصفقه
وانتي هاتحضري معايا وهعرف كل الناس مين هي حبيبتي خطيبتي وبعد بكره هتبقي 
مراتي
انا بحبك اوي يا صقر
انا بعشقك يا قلب صقر وهو يملس علي ذراعها بهدوء
اه لوتعرفي انتي كنتي واحشاني قد ايه
وانت كمان كنت واحشني اوي
طب ايه مش هاتقومي تتفرجي علي ڤيلتك الجديده بقي ولا ايه
التفتت برأسها ونظرت الي ذلك البار ثم عادت كما كانت مره ثانيه في ڠضب
لاءه اصلا مش عجباني
بتقولي ايه هو انتي شوفتيها لسه مش تتفرجي عليها الاول
ماهي باينه من اولها اهها وبدال فيها الزفت ده تبقي مش عجباني
امسكها من وجنتها وابتسم
وبعدين
بطل شرب يا صقر انا مش بحب أشوفك بتشرب خمره
هوانت مش عارف اضرارها ولا ايه يا دكتور
ههههههههه عارف يا قلب الدكتور بس ماينفعش انا مدمن الازازه دي زي ما بقيت مدمن چانا بالظبط
وقفت من علي مقعدها وابتعدت عنه وامسكت بيدها زجاجة الفوديكا الموضوعه امامها
وچانا مش بتحب يبقي ليها شريك اختار بقي
يا چانا يا الخمره
وقف امامها واقترب منها كاد ان يتمسك بها مره ثانيه الا انها ابتعدت عنه
چاناااا
اختار الاول
وبعدين معاكي
علي فكره دي كلمه هتقولها سهله يعني قول مش هاشرب تاني عشان خاطر حبيبتي
طب هبقي اشوف الموضوع ده بعدين
طب ابقي شوف موضوعنا بقي كمان بعدين
هاترجعي تعصبيني تاني مش عايزه اعصبك بس كمان ماكنتش اعرف انك ضعيف اوي كده
چانااااااا
خلاص خلاص ماتديقش نفسك اتفضل الازازه اللي بتهديك لما تكون متعصب اهيها ممكن تروحني بقي
وضعت تلك الزجاجه علي الطاوله امامه واعطته ظهرها وضمت ساعديها الي صدرها ووقفت وعلي وجهها علامات الحزن
مش ملاحظه اننا من ساعة مارجعت من السفر واحنا في مشاكل كل ماحاول اصالحك تزعلي من حاجه تانيه
شاغله نفسك بحاجه بحبها وزيها زي اي عصير ليه
لوكانت زي اي عصير ماكنش ربنا حرمها ماكنش لعڼ حاملها وساقيها وشاربها
حلت وثاق يده من حول ل تبتعد عنه الا انه جذبها له مره ثانيه
خاېفه علي صحتي ولا عليا من عڈاب ربنا
خاېفه عليك من ربنا ياصقر صحتك انت اكتر واحد تقدر تحافظ عليها لكن عڈاب ربنا ده بيبقي شديد
صحيح انا مش محجبه بس بصلي وعارفه تعاليم ديني كويس
عارفه ان مجرد وجودنا مع بعض دلوقتي وقربي منك ده حرام بس انت اللي عودتيني علي كده
بس ليه بقي تشيل زنوب اكتر بدال ماتمحي آللي قبلها
ههههههههه واحده واحده بس عليا مالك قلبتي فاجئه رابعه العدويه كده ليه
كده طب انا غلطانه اوعي بقي
طب بس أستني امسك تلك الزجاجه في يده واتجه بها الي ذلك الحوض الصغير بداخل المطبخ الايطالي الطراز وبدء يفرغها بأكملهاوهي تقف من خلفه تنظر له
اوعدك يا ستي اني مش هاشرب تاني الا وانا في اسوء حالاتي مبسوطه كده
طبعا مبسوطه وانشاء الله اسوء حالاتك دي مش هتيجي
طب بجد لو مش عجباكي الڤيلا تعالي هاوديكي واحده تانيه
جرت من امامه وهي تضحك وتصعد علي الدرج
انت بتهزر دي جميله جدا بس البار ده هايتلغي هاطلع اتفرج فوق بقي
علي مهلك طيب لتقعي هاخلص شوية تليفونات واحصلك
ماشي ماشي
وقف ينظر الي طيفها حتي اختفت من امامه 
ثم جلس مكانه مره ثانيه وجذب حقيبتها بين يديه وبدء يقلب في محتويتها الي ان وقعت يده علي هاتفها
حاول ان يفتحه اكثر من مره ولكنه فشل وعندما شعر بنزولها اغلقه نهائيا ووضعه في جيبه
ها ايه رأيك عجبتك
حلوه اوى يا صقر والفرش كمان حلو اوي والڤيو من الڤرانده جميل جدا جدا
مبروك عليكي ياحبيبتي بكره تيجي تنوريها وتبقي مملكتك
هب واقفا يلا بينا بقي عشان لسه ورايا حجات كتير اوي اجهزها
انحنت بجزعها حتي تحضر حقيبتها وتقدمت امامه ماشي يلا بينا
چانا
نعم
انتي مش مخبيه عني حاجه
ايه تقصد ايه مش فاهمه
قصدي يعني مش عايزه تقوليلي حاجه
صقر انا قولتها ليك كتير انت مش بتشبع ولا ايه
ههههههههه طب وايه يعني بس يا بيبي قوليها تاني
بقلممياده
كان يجلس في غرفة مكتبه يمسك هاتفها بين يديه يحاول ان يكتب الباسورد صحيح
ولكنه في كل مره يفشل فقرر في اخر مره ان يكتب حروف اسمه هذه المره لينفتح الهاتف امامه
وتنير شاشته
اوف اخيرا ېخرب بيت برأتك ياشيخه بس يارب بقي ماتفاجئ بحاجه تزعلني منك يا قلبي
بدء يقلب في الصور والرسايل وكل شيء فيه حتي المكلمات الوارده والصادره
ثم اقتلع منه كارت الميموري ووضعه في جهاز اللاب توب تبعه واخذ نسخه من كل محتوياته
بينما اثير الشك في رأسه حين رأي محادثه محذوفه بتاريخ قريب عبر مصدر التواصل الاجتماعي الفيس بوك
استمع الي صوتها بالخارج فبدء يعيد كل شيء كما كان
صقر موبايلي ضاع
وايه يعني ياچانا فادكي الف موبايل يا بيبي
ازاي بس ده كل صوري عليه
طب اهدي بس واقعدي موبايلك اهو يا ستي كان واقع في العربيه والحرس جابهولي
اوف الحمد لله
الا بذكر الله تطمئن القلوب
كانت مترجله من مرحاضها تلبس مأزرها علي جسدها وتلف شعرها بمنشفتها
وقفت منبهره أمام هذا الفستان المعلق امامها الان
الله ده حلو اوي يا ماما
فعلا هو جميل جدا ربنا يسعدك با حبيبتي ويهنيكي انتي وعريسك
يلايا ست چانا خلصي بسرعه بقي احسن صقر باشا بيستعجلك للمره التانيه
وبيقولك لو ماخلصتيش هايجي يخدك علي اي وضع انتي فيه
الحيوان ده ازاي يخلي الحرس يقولو حاجه زي دي
بصي البسي بسرعه وانا هقولك هو اصلا ماقلش للحرس حاجه ده بعتلي هناك وانا روحتله وطبعا ماسلمتش من نرفزته خالص
طيب يا امل هاتي الفستان يلا بسرعه
ده جيه بره ياچانا وعمال يزعق للحرس
كملت اخرجيلو يا ماما علي بال ما خلص واحط الميكب بتاعي احسن يدخل هنا المچنون ده
طب بس يلا انجزي بسرعه
انا عايز اعرف هي بتعمل ايه كل ده المفروض تكون خلصت من ساعتين
قولتلها اجبلك ناس متخصصه في الحاجات دي تساعدك قالت مش بحب حد يعملي حاجه
هي اصلا مش محتاجه تحط حاجه بتعمل ايه كل ده
يا حبيبي اهدي بس عادي يعني كل البنات بيتأخرو كده في لبسهم
لاء معلش الكلام ده مش عندي انا عامل حفله عازم فيها كبار رجال الدوله واكبر رجال أعمال 
يعني لازم اكون انا اول واحد هناك مش اخر واحد سوري بقي يا طنط لبني انا داخل لبنتك
استني بس يا صقر تدخل فين عيب يا بني كده دي بتلبس يا صقر
بلا صقر بلا زفت بقي عشر ساعات بتلبس
واذا به يفتح باب الغرفة علي مصرعيه ليراها اخيرا امامه بهذا الفستان الذي ازداد جمال علي جسدها ومكياچها الرقيق و وشعرها الذي رفعته للأعلي
ثانيه واحده هالبس الشوز بتاعتي واكون جاهزه
وقف ينظر اليها بحب ونسي كل غضبه اقترب منها امام والدتها وهويمسك بيده علبه مخمليه زرقاء اللون
زي القمر يا بنت اللذينا الجمال والحلاوه دي كلها بتاعتي انا لوحدي
احم صقر ماما واقفه
هاه اه طب شوفي كده ايه رأيك في الطقم ده
فتح تلك العلبه امامها لتري طقم ماسي يأخذ العقل من شدة جماله
وبدأ يلبسها عقده ويلف اسورته
حول يدها لتنظر الي نفسها في المراءه بأندهاش من جماله
الله دا حلو اوي بصي ياماما
ربنا يخليك ليها ياحبيبي تعيش وتجيب ليها ديما
لاء علي فكره مش وقت رغي خالص يلا يا ستي اتأخرنا
استغفرك ربك واتوب اليك
بدء جميع المدعوين في الحضور الي هذا الحفل كان هو يقف يتوسط تلك القاعه بعد ان القي بكلمته الترحبيه بهم
كانت تري الحقد والحسد في عيون كل النساء الموجودين
كيف بذلك الوسيم المتحلي دأما بحلته السوداء بثراءه الفاحش هذا ان يترك كل جميلات المجتمع الراقي من اجل تلك الفتاه البسيطة المغموره التي لا يعلمها احد
بينما كانت نيران الغيره تأكله هو من الداخل الان حين رأي عيون الرجال التي تأكلها يريد ان يدخلها بين ضلوعه حتي لا يراها احد
وفجاءه حضر ما كان ينتظر حضوره مع والدته لينتظر حتي يري ماذا ستفعل صغيرته حين تراه
كانت تقف امامه معطيه الاخرين ظهرها تمسك بيدها كأس ممتليء بعصير الانانس تبتسم له بحب وهي تستمع الي حديثه المنمق بهدوء
الي ان اتت من خلفها والدته تهنئه بنجاح الصفقه هي وزوجها
مبروك عليك نجاح الصفقه ياصقر باشا
وقفت كمن وقعت علي رأسها قذيفه هذا الصوت تعلمه جيدا تنبذه وتشمئز
منه
تخطتها
والدته التي تمسكت برسغيه واقتربت منه لتقبله في وجنته
بروڤو صقر مبروك يا حبيبي
الله يبارك فيكي يا ماهي هانم احب اعرفك چانا خطيبتي وبكره كتب كتابنا
كده من غير مااعرف هي مين ولا بنت مين اصلا
سراج بيه لمؤخذه مأخدتش بالي
مع اني