امل الحياة بقلم يارا عبد العزيز

ما انت حي وان 
اتأكدت ان عمره ما هيشوفها غير كدا وان عمره ما حابها حتى لو اخت ليه زي ما كان بيقول 
اتحسرت على ايامها اللي قضيتها في حبه والايام اللي عانيت فيها بسببه نزلت دموعها بتلقائية من كميه الظلم والۏجع والقهر اللي جواها 
بصيت على روان اللي كانت بتبصلها بابتسامه انتصار خديت نفس عميق وهي بتحاول تكون اقوى مسحت دموعها اللي نزلت منها بسرعه واتكلمت بقوه وهي بتبص لكريم 
اتكلمت ببرود وبنظرات جامده مفيهاش اي مشاعر 
يااااه ياااه يا كريم واخيرا الحمد لله اني واخيرا اتخ لصت منك هتفضل انت الحاجة الوحيده
اللي هندم عمري كله على اني في يوم دخلتها قلبي والله أنا ما زعلانة انت دلوقتي بقيت مع اللي شبهك انا اللي كان لازم افهم كدا من اول
ما امي قالتلي كريم هيخطب روان كان لازم افهم وقتها ان الطيور على اشكالها
تقع وانت لاقيت اللي شبهك بس انا اللي عاندت عشان قلبي بس مش مهم عادي مفيش حد بيتعلم ببلاش وانا مخسرتش بالعكس أنا طلعت كسبانه كسبت نفسي وكرامتي اللي اتهانوا معاك يا ابن عمي
كملت
وهي بتبص لروان بسخريه 
اشبعي بيه يروان يحبيبتى بس متبقيش تيجي في الاخر تزعلي وابقي خليه مبسوط كويس عشان لا قدر الله ميروحش يتجوز عليكي يحبيبتي وتضطري تعملي خطط تاني عشان تطفشيها
ناديه بصتلها واتكلمت بش ر 
حلو انك مش زعلانة يحياة حلو يحبيبتى القوه اللي انتي فيها بس يا ريت تثبت بقى ومتروحيش ترني على عمك أنتي وامك وتستغلوا قلبه الطيب لاننا الصراحة مش عايزين نشوف وشك تاني 
كملت وهي بتروح عندها وبتفتح فونها 
حطيت الفون في وش حياة واتكلمت بسخريه 
شايفه الصور دي
حياة بصتلها پصدمه كبيره ودموع فكانت عباره عن صور لحياة مش كويسه بصتلها پصدمه كبيره وخديت منها التلفيون واتكلمت بدموع وهي لسه في صډمتها 
انتي كنتي بتدخلي اوضتي تصوريني وانا نايمه
ناديه بهدوء
وانا هعمل كدا ليه اذا كان جوزك اللي هو ابني بيكون معاكي في نفس الاوضه وعلى نفس السرير مش هيصعب عليه لما ياخدك الكام صوره دول يعني
حياة بصيت لكريم پصدمه ودموع 
هي عارفه انه مش كويس بس مكنتش عمرها تتوقع انه ممكن يعمل حاجه زي كدا في يوم على الاقل عشان هي بنت عمه وسمعتها من سمعته 
فاقت من شرودها على صوت ناديه وهي بتتكلم بش ر
ايه رأيك اخليكي نجمه على المواقع والله هكسب من وراكي كتير اوي
فردوس پصدمه وڠضب 
ناااديه الزمي حدودك وانتي بتتكلمي مع بنتي 
بقلمي يارا عبدالعزيز
ناديه بهدوء وبرود 
هو انا كنت قولت حاجه يام محمود انا بس بوريهملها انا اكيد مش هعمل كدا يعني وابوظ سمعتها لو هي فضلت هاديه ومفتحتش بوؤها قصاد عمها ومشيت بلا رجعه انا مش هعمل بالصور دي اي حاجه انما بقى لو عرفت ان عمك عرف اي حاجه الصور دي هتنزل في نفس الثانيه ايه رأيك في العرض حلو صح يلا بقى خدي امك ومترجعيش هنا تاني طيفك حتى مش عايزه المحه تمام يحياة
حياة هزيت راسها بهدوء ومعالم الصدمة لسه على وشها 
بصتلهم بصه اخيره وحركت الكرسي بتاع امها والشنط ومشيت 
ناديه بصيت لطيفها ببأبتسامه واتكلمت بفرحه 
سكه السلامه يحياة كان جبل وانزاح والله 
كملت وهي بتبص لكريم وروان بفرحه كبيره 
واخيرا هشفوكوا مبسوطين كدا كل حاجه رجعت لاصلها وامك خلصتك من الجوازه اللي انج برت عليها
روان بصيت لكريم بحب واتكلمت بهمس 
انت بتاعي انا وبس هي اللي دخلت حياتنا من الاول والبادي اظلم متزعلش نفسك يروحي
كملت وهي بتمسك ايديه وبتطلع بيه شقتهم 
دخلت الشقه وقفلت الباب وكريم كان شبه مغيب تفكيره كله لحياة وهل هو فعلا ظلمها ولا اللي حصل كان مجرد رد فعل لم وت ابنه على ايديها 
حس ان موجوع من فكره انه مش هيشوفها تاني هو اتعود على وجودها من لما كانوا صغيرين واتعود اكتر على وجودها وهي مراته 
فاق من شروده على روان اللي بتقرب منه 
بصلها وسكت 
قالت روان بتملك 
انا بحبك اوي اوي يا كريم ووعد مني اني هنسيك كل حاجه حصلت وهعوضك عن الطفل اللي انت خسرته بعشره احسن منه 
بقلمي يارا عبدالعزيز
كريم بصلها
وابتسم واتكلم 
طب ما يلا نجيبهم
قال كلامه وقرب منها وهي كانت مبسوطه جدا بانه بقى ملكها هي لوحدها وان اخيراا حياة طلعت من حياتهم
حياة كانت ماشيه بمامتها مش عارفه تروح فين مش معاها فلوس حتى تركب تاكسي 
بصيت لمحل دهب كان موجود على الطريق 
بصيت لسلسه كانت في كان محمود اللي جايبهلها 
بصتلها بدموع واتكلمت بهمس 
انا اسفه يا ابيه بس مفيش قدامي حل غير دا عشان على الاقل ادور على مكان حتى لو بسيط نعيش فيه انا وماما
قالت كلامها وبدأت تخلع السلسله من تحت نظرات الدموع من فردوس 
دي سلسله محمود يحياة
حياة بدموع 
معندناش اي حل غير كدا يا ماما ربنا يرحمه يا رب
دخلت محل الدهب وباعتها بالم وكأنها بتبيع جزء منها 
خديت تاكسي ووصلت قدام عماره متوسطه واجرت شقه فيها 
دخلت الشقه بتعب وهي بتفكر في حياتها الجايه
بس حاولت تبقى اقوى عشان والدتها وعشان نفسيتها
حياه بفرحه مصطنعه 
جبت كل الاكل اللي انتي بتحبيه هروح اجيب اطباق بقى وناكل سوا مروقه عليكي اهو يدوسه عدي الجمايل
كانت لسه هتمشي بس فردوس مسكت ايديها 
حياة بصتلها اتكلمت فردوس بحنان 
مفكره انك تقدري تداري دموعك عني يبنت بطني دا انا بعرفك اكتر من نفسك
قالت كلامها وفتحتلها ايديها 
حياة بصتلها بدموع حاولت تخفيها بس معرفتش هي فعلا محتاجه جدا جريت عليها بكل قوتها واتكلمت پبكاء 
تعرفي انك أنتي الحاجة الوحيده اللي مخليني عايشه خليكي قويه يا ماما عشاني انا والله ما هقدر استحمل انتي كمان الم وت ياخدك مني انا مبقاش ليا غيرك
فردوس بدموع وهي بتربط على ضهرها بحنان 
انا عمري ما هسيبك يحبيبتى وهفضل العمر كله معاكي لحد اما اسلمك لي اللي يستاهلك بجد 
بقلمي يارا عبدالعزيز
حياة مسحت دموعها وبصتلها بيأس 
ودا مين اللي يرضى يتجوز مطلقه وكمان مبتخلفش خلينا واقعين يا ماما وبعدين انا اصلا مش عايزة اتجوز انا هفضل معاكي انتي وبس هروح انا بقى اجيب اطباق عشان انا واقعه من الجوع ماشي
فردوس هزيت راسها ودخلت حياة جابت اطباق وكلوا وفضلت فردوس جنب حياة صاحيه طول الليل لحد اما حياة نامت قب لت راسها بحب واتكلمت بحنان وهي بتحرك ايديها على شعرها 
يا ترى الدنيا مخبيلك ايه تاني يبنت بطني لسه سبعتاشر سنه وعيشتي
دا كله اتمنى ان حياتك الجايه كلها تبقى سعاده وعوض عن كل اللي عشتيه
مر شهرين والفلوس اللي مع حياة بدأت تخلص وبقيت مش عارفه تعمل ايه حتى دروسها بطلت تروحها عشان توفر فلوسها وبقيت بتذاكر من البيت 
كانت قاعدة وماسكه تلفيونها بصيت لاقيت اعلان عن شركه ترجمه طالبه مترجمين للغه الكوريه 
بصيت للاعلان بفرحه كبيره وحسيت ببعض الامل 
رجعت حسيت باليأس وهي بتفتكر انها لسه متخرجتش وان اكيد مفيش شركه هتقبل توظف حد لسه ثانويه عامه وخصوصا ان الشركه دي ليها اسمها
فردوس خرجت من الاوضه بصتلها باستغراب
مالك يحبيبتى زعلانة ليه !!
حياة بحزن 
فيه شركه ترجمه هنا طالبه مترجمين وانتي عارفه اني واخده كورسات معتمده للغه الكوريه واني برفكت