ساكن الضريح بقلم ميادة مأمون

حاجات حلوة
كده بقالنا كتير مش سمعنها.
يا سيدي افرحو براحتكم بعيد عني خد البت دي من هنااااا. 
ههههههه اهدي بس يا ماجدة مش كده خليكي ريلاكس شوية عشان المأذون جيه تحت ولو انت جاهزة يا ريت تتفضلي بقى معايا.
اعترضت شذى طريقها قبل أن تقف معه متصدرة لها ببطنها الذي بدء يرتفع قليلا. 
و الله ابدا لازم ازوقك الاول مش هاتخرجي من هنا غير و انا حاطه ليك روج على الاقل. 
زمجرت ماجدة بغلاظة وقد نفذ صبرها.
لاء بالله عليكي مالكيش دعوة بكرشها و انت يا ستي بطلي تهور و ابعدي عنها بقى الله يهديكي. 
وضعت الحاجة مجيدة ذراعها على كتف شذى لتتكئ عليها ليتبعوهم للخارج. 
خلاص بقى يا بت يا شذى هي عروستنا محتاجة روج بردو داحنا جمالنا جمال رباني.
الله و فرحت بيكي و شوفتك عروسه يا ماجدة لولولي. 
شذيييييي وطي صوتك ونزلي نقابك ده على وشك وابقى اسمع صوتك تحت عارفه يا شذى و الله هاطلعك تقعدي هنا لوحدك.
رفعت كفها بجانب اذنها معطيه له التمام مثل الجنود. 
علم وينفذ يا فندم. 
ليضحكو جميعا و ترجلو سويا الي الاسفل. 
و بعد مرور ستة أشهر كانت مترجلة للأسفل تشعر پألم يقتحم أسفل بطنها لكنها تحملت على نفسها
حتى لا تقلق والدتها التي أتت لها منذ يومين لتجلس معها لحين ياتيها موعد الولاده كما حضر الشيخ حسان و الحجة مجيدة و جلسو معهم ايضا. 
وبعد أن ترجلت إليهم و تفاجئو بنزولها صاحت والدتها. 
الله نزلتي ليه بس يا حبيبتي كنتي خليكي نايمة فوق. 
تعبت من كتر الرقدة يا ماما قولت انزل اقعد معاكم هنا شوية. 
كان وجهها تملؤه حبيبات العرق أثر حرارة الجو و الألم الذي تكتمه بداخلها. 
لكن خالتها قد شعرت بتغير لونها ولمحت انقباض اصابعها على الوسادة الصغيرة بجانبها لتحدثها بريبة. 
شذى انت حاسة بحاجة يا حبيبتي.
الټفتو جميعا نحوها و وقف الشيخ حسان متأهبا لكلامها. 
ايه مالك يا بنتي اوعي تكوني تعبانة ومش عايزة تقولي. 
ضمت شذى حاجبيها پألم و تمسكت بيد والدتها من جانب و خالتها من الجانب الاخر.
من الصبح و انا تعبانة بس ماكنش الۏجع كده هو كل شوية بيزيد عن المره اللي قبله.
يا لهوي دي تبقى ولاده يا شذى اتصلي بمالك يا مجيدة خليه يجي و نوديها المستشفي. 
اهدي شوية يا ماجدة ماتخوفيش البت و هي لسه في اول الۏجع. 
ليهتف الشيخ بقلق. 
و لزمته ايه بس نسيبها تتألم كده انا هاروح اجيب مالك بنفسي من الضريح.
وضعت الحجة مجيدة يدها على بطن شذى و كأنها تقياسها. 
قولتلكم اصبرو لسه بدري دي بطنها عاليا خالص اها يعني مش هينبكم من مشوار المستشفى ده
غير الفرهده. 
لتصرخ شذى بۏجع. 
الحقوووووووووني. 
جري
الشيخ حسان مندفعا للخارج أثر صړاخها ليأتي لها بزوجها غير عابئ بزوجته التي حاولت إيقافه بقصد التروي. 
وعنده فضل مالك الإبتعاد و الاختلاء بنفسه في مكانه المفضل داخل الضريح يصلي و يشكر ربه على استجابته لدعواه و يخبر صديقه عن مدى سعادته بها.
ليحضر اليه والده يلهث محاولا ضبط أنفاسه يناديه بعلو صوته.
مالك قوم يابني بسرعه. 
هب واقفا منتبها الي ابيه و جري نحوه خوفا من ان يكون قد حدث مكروه لأحدهم.
خير يا ابويا في حاجه حصلت. 
الحق يابني شذى بتولد. 
بتولد ايه بس يا حج دي ماعديتش غير يومين بس في التاسع. 
صاح فيه والده منفعلا بضجر. 
يا بني يومين و لا عشرة البنت بتتالم في البيت وعماله تصرخ من الۏجع هانقولها احنا اصبري لما تعدي التاسع كله.
لالالاء انت عندك حق يا حج انا بعد اذن حضرتك هاسبقك و حصلني على مهلك.
جري سريعا و لم ينتظر رده ليهتف والده حتى يسمعه قبل أن يرحل. 
انا هاقعد اصلي و استناك هنا و ادعيلها تقوم بالسلامه و لما يحصل تعالى فرحني.
اومئ له برأسه و ذهب بارحا ساحة المسجد وهو يدعي ربه همسا. 
يارب تقومي بالسلامه يا شذى. 
و في المشفى. 
لتصيح فيه والدته مزمجرة. 
يا بني حرام عليك ماتسيب البت في اللي هي فيه بقى و تشيل البتاع ده من علي وشها. 
لاء يا أمي و لو سمحتي ماتدخليش. 
حاولت ماجدة ابعاده هي الاخري و زجه بجانب والدته.
اوعى يا واد انت سيب بنتي. 
ابعدي انت عن مراتي ماحدش له دعوه بينا بقى
لتصرخ شذى فيهم. 
ارحموني حرام عليكم كلكم منك لله يا ابن مجيدة انت السبب في اللي انا فيه دلوقتي.
احترمي نفسك و بلاش طولة لسان يا شذى وبدل ما تقلي أدبك اقري قرآن يلاااا. 
لتهتف شذى بصړاخ. 
يا رب وريه نفس ۏجعي و حسسه بتعبي يا رب.
ليهمس لها في اذنها بشماته. 
ادعي دعوه تانية الرجالة مابتولدش يا اختي. 
و هنا ولجت إليهم الممرضة طالبة من الجميع الخروج لتحضيرها لغرفة العمليات.
لكنها رفضت ترك يده و بعين دامعه امرته.
رايح فين وحياتي عندك ماتسبني ادخل لوحدي يا مالك. 
ربت على راحة يدها مبتسما و اردف لها ليطمئنها. 
مش هاسيبك يا قلب مالك انا بس هاروح البس لبس العمليات و قبل انت ما تدخلي هاكون انا جوه
و مش هاخرج الا بيكم انتو الاتنين قولي يا رب.
يا رب يا حبيبي 
و بعد مرور اكثر من ساعتين استعادت وعيها بعض الشيء و كان هو في أقصى درجات السعادة حيث استمع منها الي وصلة عشق جعلته يحلق في السماء 
يريد أن يصيح بصوت جاهور انا متيم بعشق شذى. 
اد كده بتحبيني يا شذى.
اه بحبك اوي انت جوزي
وحبيبي و ابني و اخويا و ابويا و كل حاجة ليا
في الدنيا.
طب مش هاتخلى شوية حب للحسين.
مين حسين 
حسين ابننا يا حبيبتي حمدلله على السلامه انت ولدتي خلاص.
هتسميه حسين يا مالك. 
حلو اوي يا حبيبي
حسين مالك الرفاعي ابن ساكن الضريح
تمت